തിരുവനന്തപുരം: കേരളം ഉൾപ്പടെ രണ്ടാംഘട്ട തിരഞ്ഞെടുപ്പ് നടക്കുന്ന സംസ്ഥാനങ്ങളിൽ നാമനിർദ്ദേശ പത്രിക ഇന്ന് മുതൽ സമർപ്പിച്ച് തുടങ്ങാം. ഏപ്രിൽ നാലാം തീയതി വരെയാണ് നാമനിർദ്ദേശ പത്രിക സമർപ്പിക്കാനുള്ള അവസാന തീയതി. ബന്ധപ്പെട്ട റിട്ടേണിങ് ഓഫീസർമാർക്ക് മുമ്പാകെ രാവിലെ 11 മണിമുതൽ വൈകിട്ട് മൂന്നുവരെ പത്രിക സമർപ്പിക്കാം.
പൊതു അവധികൾ പരിഗണിച്ച് മാർച്ച് 29, 31, ഏപ്രിൽ ഒന്ന് തീയതികളിൽ നാമനിർദ്ദേശ പത്രിക നൽകാനാവില്ല. ഏപ്രിൽ അഞ്ചിന് നാമനിർദ്ദേശ പത്രികകളുടെ സൂക്ഷ്മ പരിശോധന നടക്കും. ഏപ്രിൽ എട്ടാം തീയതി വരെയാണ് നാമനിർദ്ദേശ പത്രിക പിൻവലിക്കാനുള്ള അവസാന തീയതി. കേരളം ഉൾപ്പടെ രാജ്യത്തെ 98 ലോക്സഭാ മണ്ഡലങ്ങളിൽ ഏപ്രിൽ 26നാണ് തിരഞ്ഞെടുപ്പ് നടക്കുക.
കേരളത്തിൽ 20 ലോക്സഭാ മണ്ഡലങ്ങളിലേക്കാണ് തിരഞ്ഞെടുപ്പ് നടക്കുന്നത്. ഒറ്റതവണയായാണ് തിരഞ്ഞെടുപ്പ്. കഴിഞ്ഞ തവണ ഒരു സീറ്റിലൊതുങ്ങിയ എൽഡിഎഫ് ഇക്കുറി തിരിച്ചുവരവ് സ്വപ്നം കാണുമ്പോൾ, തുടർഭരണം ലഭിക്കുമെന്ന പ്രതീക്ഷയിലാണ് യുഡിഎഫ്. കേരളത്തിൽ നിന്ന് രണ്ടു കേന്ദ്രമന്ത്രിമാർ ഇക്കുറി ജനവിധി തേടുന്നുണ്ട്. കോൺഗ്രസ് നേതാവ് രാഹുൽ ഗാന്ധി മൽസരിക്കുന്ന വയനാട് ഉൾപ്പടെ ദേശീയ ശ്രദ്ധയിലുള്ള മണ്ഡലങ്ങളും സംസ്ഥാനത്തുണ്ട്.
Most Read| ഹരിത വിവാദം; അച്ചടക്ക നടപടി പിൻവലിച്ചു- നേതാക്കളെ തിരിച്ചെടുത്തു