തിരുവനന്തപുരം: അക്ഷയ കേന്ദ്രം, ഫ്രണ്ട്സ് എന്നിവ വഴി വൈദ്യുതി ബിൽ തുക സ്വീകരിക്കുന്നത് കെഎസ്ഇബി നിർത്തലാക്കി. ഉപയോക്താക്കൾ അടക്കുന്ന തുക കെഎസ്ഇബി അക്കൗണ്ടിലേക്ക് യഥാസമയം ലഭ്യമാകാത്ത സാഹചര്യത്തിലാണ് തീരുമാനം.
തുക അക്കൗണ്ടിലെത്താൻ കാലതാമസം ഉണ്ടാകുന്നത് കാരണം ഉപയോക്താക്കൾ നേരിട്ടുവന്ന് അറിയിച്ച ബുദ്ധിമുട്ടുകളും പരാതികളും കണക്കിലെടുത്താണ് നടപടിയെന്ന് കെഎസ്ഇബി വാർത്താക്കുറിപ്പിൽ അറിയിച്ചു. നിലവിൽ 70 ശതമാനം ഉപയോക്താക്കളും ഓൺലൈൻ വഴിയാണ് വൈദ്യുതി ബില്ലടക്കുന്നത്.
അധിക ചിലവില്ലാതെ അനായാസം ബിൽ അടക്കാനുള്ള നിരവധി ഓൺലൈൻ മാർഗങ്ങൾ കെഎസ്ഇബി ഒരുക്കിയിട്ടുണ്ട്. സെക്ഷൻ ഓഫീസിലെ ക്യാഷ് കൗണ്ടർ വഴിയും പണമടക്കാം. ഉപയോക്താക്കളുടെ സഹകരണം കെഎസ്ഇബി അഭ്യർഥിച്ചു.
Most Read| ചരിത്രത്തിലാദ്യം; പരിയാരം മെഡിക്കൽ കോളേജിൽ കെഎസ്യു സഖ്യത്തിന് വിജയം