വാഷിംഗ്‌ടൺ: ലോകത്തിലെ ഏറ്റവും വലിയ ബഹിരാകാശ ഗവേഷണ ഏജൻസിയായ നാസ ഭൂമിയുമായി ബന്ധപ്പെട്ടുള്ള ഏറ്റവും പുതിയ വിവരം പുറത്തുവിട്ടു. ഒരു യാത്രാവിമാനത്തിന്റെ വലിപ്പമുള്ള ഛിന്നഗ്രഹം ഇന്ന് ഭൂമിക്ക് സമീപത്ത് എത്തുമെന്നും ഭാവിയിൽ ഇത് ഭൂമിയുമായി കൂട്ടിയിടിക്കാനുള്ള സാധ്യത 72 ശതമാനമാണെന്നും നാസ അറിയിച്ചു.
2024 കെഎൻ1 എന്ന ഛിന്നഗ്രഹം ഇന്ന് രാത്രി 11.39ന് ഭൂമിക്ക് സമീപത്ത് എത്തുമെങ്കിലും 56 ലക്ഷം കിലോമീറ്ററായിരിക്കും ഭൂമിയുമായുള്ള അകലം. അമോർ ഗ്രൂപ്പിൽപ്പെടുന്ന, 88 അടി വ്യാസമുള്ള ഛിന്നഗ്രഹത്തിന്റെ വേഗം മണിക്കൂറിൽ 16,500 കിലോമീറ്ററാണ്. ഇന്ന് ഭൂമിയിൽ നിന്ന് സുരക്ഷിതമായ അകലത്തിൽ കടന്നുപോകുന്ന ഛിന്നഗ്രഹം 2038 ജൂലൈ 12ന് ഭൂമിയുമായി കൂട്ടിയിടിച്ചേക്കുമെന്നും അതിനുള്ള സാധ്യത 72 ശതമാനമാണെന്നും നാസ പറയുന്നു.
ഛിന്നഗ്രഹ ഭീഷണികളെപ്പറ്റി പഠിക്കാനും പ്രതിരോധ മാർഗങ്ങൾ വിലയിരുത്താനുമായി നടത്തുന്ന പ്ളാനറ്ററി ഡിഫൻസ് ഇന്ററാജൻസി ടേബിൾടോപ് എക്‌സർസൈസിന്റെ ഭാഗമായാണ് നാസയുടെ കണ്ടെത്തൽ. യുഎസ് സർക്കാർ ഏജൻസികളിലെ നൂറോളം പ്രതിനിധികളും രാജ്യാന്തര വിദഗ്‌ധരുമടങ്ങുന്ന സംഘം പങ്കെടുത്ത എക്‌സർസൈസ് മേരിലൻഡിലെ ജോൺഹോപ്‌കിൻസ് അപ്ളൈഡ് ഫിസിക്‌സ് ലബോറട്ടറിയിലാണ് നടന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
